Ohitura osasungarriak edukitzeaz gainera, garrantzitsua da aldian-aldian osasun azterketak egitea, zinez garrantzitsuak izango baitira diagnostiko goiztiarrak osatzeko.
Lehen mailako prebentzioaren oinarriak: bizimodu osasungarria izatea, eta, ahal dela, arrisku faktoreak saihestea. Bigarren mailako prebentzioa, berriz, diagnostiko goiztiarreko azterketak eginez eta alerta sintomen araberako arretaren bitartez gauzatzen da. Horiek izango dira osasuntsu egoteko eta ezein eratako minbizia saihesteko armarik onenak.
Nahiago baduzu, deitu 943328000
Emakumeen kasuan, diagnostiko goiztiarrak egin daitezke minbizi ginekologikoa edo bularreko minbizia izanez gero.
Gizonen kasuan, diagnostiko goiztiarrak egin daitezke azaleko minbizia, ORL arloko minbizia, prostatako minbizia edo kolon eta ondesteko minbizia izanez gero.
Onkologikoak aukera ematen du prebentzio onkologikorako azterketari bestelako froga eta azterketa batzuk gehitzeko, eta, hala, osasun azterketa osagarri bat lortzeko. Era horretan, osasun zentro bakarretik txosten oso bat lortuko da, eta bestelako osasun arazo batzuk detektatzeko aukera izango da. Azterketa horretan bilduko dira prebentzio onkologikoan deskribatutako proba guztiak, gehi odol eta gernu analitika eta elektrokardiograma bat.
Automiaketa funtsezkoa da detekzio goiztiarra egiteko. Koskorren bat duzula ohartzen bazara, edo ixten ez den zauriren bat (ahokoak ere bai), formaz, tamainaz edo kolorez aldatu den oreztaren bat, edo odol galera ezohikoren bat, zoaz medikuarenera. Eta baita eztul edo marranta iraunkorra izanez gero, heste edo gernu gorabeherak sumatuz gero, edo pisua arrazoirik gabe galduz gero ere.
24 ordu igaro aurretik deituko dizugu
Bete zure datuak, eta adierazi zergatik deitu duzun, geure arteko harremana ahalik eta pertsonalizatuena eta eraginkorrena izan dadin.
Nahi izanez gero, zeuk ere dei diezagukezu