Onkologikoari buruz

Onkologikoa, Kutxaren Institutu Onkologikoa, minbiziaren prebentzio, diagnostiko, ikerketa eta tratamendurako zentro monografikoa da.

Bere egitura funtzionala diziplina arteko unitate funtzionaletan oinarrituta dago; kasu bakoitza dagokion unitate funtzionalak aztertzen du, eta paziente bakoitzarentzat plan terapeutiko bat proposatzen da.

Hainbat eremutako 300etik gora profesionalek zerbitzua eskaintzen diote pazienteari, historia kliniko elektronikoa eta irudi digitala erabiliz, punta-puntako teknologiaz hornituta dagoen eraikin berezi batean.

Onkologikoak hitzarmen bat dauka sinatuta Eusko Jaurlaritzako Osasun Sailarekin, pazienteei Gizarte Segurantzaren Erregimen Orokorrean arreta eskaintzeko, eta, era berean, Aseguru Libreetako pazienteei eta paziente pribatuei eskaintzen die arreta; horrez gain, Kutxabankeko bezeroek baldintza bereziak dituzte zerbitzuak ordaintzeko garaian.

Deituko dizugu

Nahiago baduzu, deitu 943328000

Zentro mediko espezializatua da, pertsonek pertsonentzat egindakoa

Egunero eskaintzen dugun zerbitzuak lau ardatz nagusi ditu: daukagun eskarmentu handiak ematen digun ezagutza, punta-puntako teknologia, etengabeko ikerketa lana eta pazientearen ongizatea eta erosotasuna ardatz izatea.

Ospe handiko medikuntza

85 urte daramatzagulako tratamendu onkologikoaren arloan. 85 urte, medikuntzaren sektorean erreferente izanez. Gaur sendabiderik ez duen hartan bihotz eta arima arituko gara, bihar sendabidea izan dezan. Gure helburua? Zure itxaropena.

Abangoardiako teknologia

Onkologikoan oso-oso adi aztertzen ditugu tratamendu onkologikoaren sektorean izaten diren aurrerapausoak, ezein motatako minbiziari aurre egiteko punta-puntako teknologia edukitzeko. Hauek guztiak dauzkagu: kubeakeak, gammakamerak, mamografo digitalak, PET, OTA, IMMI gela, ekografoak…

Punta-puntakoak gara ikerketaren arloan

Zer irudituko litzaizueke informatikari bat etengabe eguneratuta ez egotea? Azken aurrerapen medikoak ezagutzeko, ezinbestekoa da etengabeko prestakuntza, eta horixe da Onikologikoko mediku taldeak daukan espiritua. Liderrak gara ikerketa lanetan, eta azterlanak partekatzen ditugu erreferentziazko beste zentro batzuekin.

Erosotasuna, bizkortasuna eta emaitzak

Inork ez du gogoko ospitale batean egotea. Ondotxo dakigu, halaber, zer-nolako zalantza eta ziurgabetasuna izaten den proba bat egiteko edo erantzunen bat jasotzeko zain gauden bitartean. Horregatik, geure esku dagoen guztia egiten dugu epeak ahalik eta laburrenak izan daitezen. Eta, ahal den neurrian, etxean bezala senti zaitezen.

Historia

85 urte, pazientearen zerbitzura.

Gertaera gogoangarri bakoitza eta gure historian egindako urrats bakoitza lagungarria izan zaigu profesional hobeak izateko, ezagutza gehiago edukitzeko, eta egun batean bai, hurrengoan ere bai, geure onena eskaintzeko.

1928

Gipuzkoako Minbiziaren Aurkako Liga eratu zen, eta Liga hori Minbiziaren Aurkako Institutu bat sortzeko kudeaketa lanetan hasi zen. Horretarako, Foru Aldundiaren, Donostiako Udalaren eta beste erakunde batzuen (esaterako, Gipuzkoako Aurrezki Kutxa Probintziala) diru laguntza jaso zuen.

1933

Errepublika aldarrikatu zelako lanak hilabete batzuetan eten ondoren, 1933ko abuztuaren 13an inauguratu zuten, Donostiako Aldakoenea gainean, Gipuzkoako Institutu Erradiokirurgikoa izenarekin. Luis Ayestarán doktorea izan zen fundatzailea eta zentroaren lehenengo zuzendaria.

1946

Erradioterapiako instalazio berri bat inauguratu zen (Condex koadroa, Westinghouse), Gipuzkoako Aurrezki Kutxa Probintzialak eskainia.

1952

Institutu Erradiokirurgikoak zailtasun ekonomikoak zituela ikusirik, eta institutuaren eskaerari jarraiki, 1952ko otsailaren 14an Gipuzkoako Aurrezki Kutxa Probintzialak bere gain hartu zuen institutua iraunarazteko gastua, gizarte ekintza propio gisa.

1954

Gizarte Segurantzak eta Institutu Erradiokirurgikoak lehen lankidetza hitzarmena sinatu zuten.

1963

Gipuzkoako Minbiziaren Aurkako Espainiako Elkarteak kanpaina bat jarri zuen abian, lurraldeko industrialariei laguntza eskatuz; eta, kanpaina horri esker, lehen kobalto bonba inauguratu zen.

1974

Urte horretan amaitu zituzten Aldakoeneako eraikina handitzeko lanak, eta 108 ohe prestatu zituzten. Urte horretan bertan, Erradiofisika Zerbitzua sortu zen, eta Erradioterapia Zerbitzua eguneratu, kobalto bonba berri bat, Betatrón motako azeleragailu bat eta simulagailu bat txertatuz.

1976

Bularreko eta umetokiko tumore lokalizazioen diagnostiko goiztiarreko lehen kanpaina egin zen. Urte horretan bertan, Medikuntza Nuklearreko Zerbitzuan Scannikamera bat jarri zuten.

1978

Institutu Onkologikoak lankidetza hitzarmen berri bat sinatzen du Insalud-ekin.

1988

Osakidetzak Onkologikoarekiko hitzarmena onartu zuen.

1989

Kirurgia ondoko Bizkortze Unitatea sortu zen, eta Medikuntza Nuklearreko aparatuak berritu ziren, Tomogammakamera Digital bat erosi baitzen. Lehenengo azeleragailu lineala ezarri zen. Era berean, Erradiodiagnostiko Zerbitzuaren ekipamenduak hobetu ziren, OTA (Ordenagailu bidezko Tomografia Axiala) jarri baitzuten.

1993

Funtsezko aldaketa bat gertatu zen Institutu Onkologikoaren zerbitzuen dinamika funtzionalean. Izan ere, unitate funtzionalak sortu ziren, paziente guztiei diziplina anitzetik heltzeko asmotik abiatuta.

1994

Erradiokirurgia estereotaxikoa erosi eta martxan jarri zen, garuneko tumoreak eta garuneko arteria eta zainetako malformazioak tratatzeko. Gammakamera berri bat ere erosi zen, ekipamendu osoarekin, kardiologia nuklearrerako instalazioa barne.

1997

Ospitaleratze arloa birdimentsionatu zen, bigarren azeleragailu lineala ezarri zen, Prebentzio Onkologikoko Zentroa abian jarri zen, eta bularreko minbiziaren detekzio goiztiarrerako programari hasiera eman zitzaion, Eusko Jaurlaritzako Osasun Sailaren babesarekin.

1998

Beste hitzarmen bat sinatu zen Osasun Sailarekin, Bloke Kirurgikoa oso-osorik berritu zen, bularreko minbizia diagnostikatzeko punta-puntako teknologia (ABBI sistema) erosi eta ezarri zen, eta prostatako minbiziari aurre egiteko brakiterapia aplikatzen hasi ziren.

2000

Tumoreen Bankua ezarri zen, eta Karlos III.a Ikerketa Onkologikoen Zentro Nazionalarekiko harreman instituzionalak sortu ziren. Aldi berean, zentroa Tumore Bankuen Sarean sartzeko akordioak sinatu ziren.

2002

Prostatako minbiziari aurre egiteko teknika berri bat erabiltzen hasi ziren: iridio (HDR) tasa handiko dosien aplikazioa. Clínac 2100 CD azeleragailu berria, Eklipse plangintza sistema berria, baskularreko areto digital berria eta erresonantzia magnetiko nuklear berri bat eskuratu ziren.

2005

Arreta psikiatrikoa eta krioterapia prostatikoa txertatu ziren. Zentro berria egikaritzeko proiektua egin zen, eta eraikuntza lanak 2006an hasi ziren. Plakak alde batera uzten dituen RIS-PACS irudi digitaleko sistema ere martxan jarri zen.

2007

Historia kliniko elektronikoa jarri zen abian, eta pazienteei buruzko paperezko informazio guztia digitalizatu zen. Era horretan, Euskal Autonomia Erkidegoan paperik eta plakarik gabe diharduen lehen ospitalea izan zen.

2008

Mamografia digitala jarri zen abian, erradiazio dosi txikiarekin kalitate hobea eskaintzen duena.

2009

2009ko urtarrilaren 16an, eraikin berria inauguratu zen, Miramongo Ospitale Eremuan. 60 milioi eurotik gorako inbertsioa egin zen.

2010

Kutxak, Onkologikoaren jabea denez eta hasiera-hasieratik Institutuarekin lotura izan duenez, ospitalea fundazio bihurtu zuen: Onkologikoa Fundazioa. Kutxa Fundazioaren mendean dago fundazio berria, baina nortasun juridiko propioa du, eta kudeaketarako eskubide zein betebehar guztien jabe da.

Instalazioak

Eraikin moderno, adimendun eta ergonomikoa da, eta 24.000 metro koadroko azalera dauka.

Eraikin honetan lan egitea askoz ere erosoagoa da, teknologikoki erabat optimizatuta dagoen antolaketa baitauka. Sarean dauden 500 ekipamendu ditu, historia kliniko elektronikoa eta irudi digitala. Ebakuntza gela integratuak daude, eta ebakuntza mahaiak kontrola eta lotura izango du auditoriumarekin.

Farmaziak biltegiratze sistema adimendun bat dauka, eta kimioterapiak eta medikazioak, administrazio segururako sistema bat. Gainera, kimioterapia modu robotizatuan prestatzeko modu berritzaile bat daukate.

  • Gelak 52
  • Oheak 75
  • Ebakuntza gelak 4
  • Zaintza berezietarako oheak - Anestesiaren Ondoren Suspertzeko Unitateak 4
  • Eguneko ospitaleko postuak 16
  • Kontsulta gelak 24
  • Erradiologiako ebakuntza gela 1
  • Endoskopia gelak 2
  • Azeleragailu linealak (tomoterapia, IMRT, konbentzionala) 3
  • PET 1
  • Gammakamera – CT 1
  • OTA 1
  • 3Dko mamografoak, tomosintesiarekin 4
  • IMMI gela 1
  • Ekografoak 6

Onkologikoan benetan uste dugu ikerketa klinikoa bikaintasun bermea dela gure pazienteen zaintzari dagokionez.

Informazio gehiago

Honako honek egiaztatutako zentroa

24 ordu igaro aurretik deituko dizugu

Bete zure datuak, eta adierazi zergatik deitu duzun, geure arteko harremana ahalik eta pertsonalizatuena eta eraginkorrena izan dadin.

Nahi izanez gero, zeuk ere dei diezagukezu

943328000

  • Datu pertsonalak babesteari buruzko apirilaren 27ko 2016/679 Europako Araudia eta duen babesari buruzko Espainiako araudia betetzeko, ONKOLOGIKOAK jakinarazi nahi dizu galdetegi honetan ematen dituzun datu pertsonal guztiak aurretiko hitzordu eskaerarako baino ez ditugula erabiliko. Oro har, datuak 5 urtean gordeko ditugu. Erabiltzeko zilegitasuna, hain zuzen, zure adostasun adierazian oinarritutakoa da, indarrean dagoen araudiarekin bat etorrita. Nolanahi ere den, gogorarazi nahi dizugu datuetara sartzeko, horiek zuzentzeko, ezabatzeko, datuen tratamendua mugatzeko, datuei aurka egiteko edo datu pertsonalak eramateko eskubideak baliatzeko aukera daukazula, indarrean dagoen araudiarekin bat etorrita. Zure datu pertsonalen erabilerari buruzko informazio gehiago jakin nahi baduzu, kontsultatu gure Datuen Babeserako Politika.